Шәхси эшмәкәрләрне теркәү функциясенә хәзер мобиль кушымта аша кереп була
Россия Федераль салым хезмәтенең Татарстан Республикасы буенча Идарәсе хәбәр иткәнчә, iOs һәм Android платформалары өчен «шәхси эшкуарның шәхси кабинеты» мобиль кушымтасында физик затны индивидуаль эшкуар сыйфатында дәүләт теркәве функциясе эшли башлады.
Әлеге функцияне куллану өчен кулланучыга үзенең мобиль телефонына кушымта урнаштырырга һәм кушымтаның беренче битендәге экранның аскы өлешендә урнаштырылган «шәхси эшмәкәрне теркәргә» кнопкасына күчәргә кирәк.
Кушымтадан файдалану нәтиҗәсендә кулланучы шәхси эшмәкәр сыйфатында теркәү процессын тәмамлау өчен теркәү органына бару вакыты турында мәгълүмат бирә.
Теркәүче органга килгәндә кушымтадан файдаланучыга Россия Федерациясе гражданины паспортын күрсәтергә һәм кушымтадан файдаланганда кулланучы биргән мәгълүмат нигезендә теркәү органы тарафыннан әзерләнгән документларны имзаларга кирәк.
Документларга кул куйганнан соң, кулланучыга документлар алу өчен расписка һәм шәхси кабинетка керү логины һәм пароле булган теркәү картасы бирелә. Шул ук вакытта кулланучыга дәүләт теркәвен раслаучы документлар мобиль кушымтадан файдаланганда күрсәтелгән электрон почта адресына җибәрелә.
Физик затны шәхси эшмәкәр буларак дәүләт теркәве, мобиль кушымтадан файдаланганда, теркәү органы тарафыннан документлар алу өчен расписка бирелгәннән соң, бер сәгать эчендә башкарыла. Кулланучының теркәү органының кабул итү залында теркәү процедурасын көтүе таләп ителми.
ТР буенча Россия ФСХИ
Следите за самым важным и интересным в Telegram-каналеТатмедиа
Нет комментариев