Тамчыдан күл җыела

Ярдәм итү урыны үзгәрмәде, элекечә үк "РОСГОССТРАХ" бинасында дип хәбәр иттеләр безгә. Инде ярдәм итү урыннары берничә авыл кибетендә дә оештырганнар. Алары Олы Әтнә, Бәрәскә,  Күлле-Киме, Күәм, Күшәр, Чишмәле - Сап, Төрекләр авылы кибетләрендә урнаштырылган. 

- Бу айда ярдәм сизелерлек кимеде, баштагы кебек энтузиазм бетте - ди волонтер Чулпан Садыйкова.  

Элекке юлы газ баллоннары, пила, май алып җибәргән булсалар, бу юлы генератор да сораганнар егетләребез. Шулай ук "спальный мешок"лар да җибәрәләр. Моннан тыш, төрле ашамлыклар, гигиена кирәк-яраклары да китәчәк. 

Район хәкимияте дә кирәк-яраклар - консерва, сохари, кием-салым - волонтерлар гына әзерләп кенә бетерә алмый торган әйберләрне җыеп хәстәрли. Болар барысы да 20 сентябрьдән соң егетләргә озатылачак. 

Рәхмәт, халык нык булыша. Ә иң мөһиме - бу эшне беренчеләрдән булып волонтерлар башлады. Ярдәм итәргә теләүчеләр югарыда телгә алган адреслар буенча мөрәҗәгать итсәгез иде.

СВОдагы ир-егетләргә ярдәм җыюда теләсә нинди сумма – 10, 50, 100 сум да бик мөһим. Тамчыдан күл җыела, диләр бит.