Татарстанда бер көндә коронавирустан өч меңнән артык кеше прививка ясаткан

Бер көн эчендә Covid-19 коронавирусыннан Татарстанның 3 118 кешесенә прививка ясалган.

«Барлыгы 27 118 кеше вакцинацияләнгән <...>, шуларның 5 472се икенче дозаны алды», - диделәр ТР Сәламәтлек саклау министрлыгының матбугат хезмәтендә.

Шул ук вакытта республикага бирелгән 81 122 «Спутник V» вакцинасы дозасының 33,4 проценты кулланылган инде.

Элегрәк «Татар-информ» мәгълүмат агентлыгы Татарстанның ерак авылларында яшәүчеләрне Covid-19дан вакциналаштыра башлаганнарын хәбәр иткән иде.

Чыганак: https://tatar-inform.tatar/news/health/10-02-2021/tatarstanda-ber-k-nd-koronavirustan-ch-me-n-n-artyk-keshe-privivka-yasatkan-5805363