Әтнә таңы

Татарстанда коронавирус инфекциясенең тагын 86 очрагы теркәлгән

Узган тәүлектә 82 кеше терелгән.

Татарстанда соңгы тәүлектә Covid-19 коронавирус инфекциясе йоктыруның 86 яңа очрагы ачыкланган.

«Узган тәүлектә республикада яңа коронавирус инфекциясенең 86 очрагы теркәлде. Шул рәвешле, инфекция йоктырган кешеләрнең гомуми саны 15 мең 275кә җитте», - диде Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина.

Реклама

«Татар-информ» агентлыгында узган матбугат конференциясендә Авдонина әйткәнчә, белгечләр бер тәүлек эчендә коронавирус инфекциясенә 8 мең 343 тест үткәргән. 3470 кеше табиблар күзәтүендә кала.

Татарстан сәламәтлек саклау министры урынбасары Владимир Жаворонков бер тәүлек эчендә республикада 82 кешенең коронавирустан терелүен әйтте. Барлыгы 11 мең 659 кеше савыккан.

Чыганак: https://tatar-inform.tatar/news/health/22-01-2021/tatarstanda-koronavirus-infektsiyasene-tagyn-86-ochragy-terk-lg-n-5800881

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: