Әтнә таңы

Татарстанлылар беренче кар фотолары һәм видеолары белән социаль челтәрләрдә бүлешә

Республиканың төрле районнарыннан төшерелгән фотосурәтләр социаль челтәрләрдә пәйда булды.

Татарстан халкы республиканың берничә районында яуган беренче карны фотога һәм видеога төшерә. Фотоларны социаль челтәрләрдә чыгаралар. 

Иннополиста кар эре бөртекләр булып яуды һәм машиналарның түбәсен дә каплады, шунда ук эреп бетмәде.

Чүпрәледән социаль челтәрләрдән файдаланучы чирәмдә түшәлгән һәм саргайган агачларга сарылган беренче карның фотосурәтләре белән уртаклашты.

Реклама

Иртән беренче кар бөртекләре Яшел Үзән халкын да сөендерде. Кукмарада кар әле яшел торган үләнне каплап, юка челтәр булып яткан. Чаллыда беренче карны видеога төшергәннәр. Кар бөртекләре һавада әйләнеп, җиргә чак төшеп җитә.

Беренче кар Казанда да яуды. 

Чыганак: https://tatar-inform.tatar/news/society/21-10-2020/tatarstanlylar-berenche-kar-fotolary-m-videolary-bel-n-sotsial-chelt-rl-rd-b-lesh-5780210

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: