Әтнә таңы

Тәүлек эчендә коронавирус авыруын Татарстанда яшәүче 44 кеше йоктырган

Үткән көн эчендә медицина хезмәткәрләре 38 Covid-19 белән авыручыны терелткән.

Үткән тәүлек эчендә Татарстанда коронавирус инфекциясенең 44 яңа очрагы теркәлгән. Аларның берсе читтән килгән, кырык өче — контакт рәвешендә күчкән, дип Сәламәтлек саклау министрлыгы матбугат хезмәтендә хәбәр ителә.

«10 кеше хастаханәгә озатылган, 34 кеше өйдә дәвалана», — ди матбугат хезмәте.

Авыручыларның күбесе 30 яшьтән алып 50 яшькә кадәр, алар 14 кеше. 60 яшьтән 70 яшькә кадәр булганнар әзрәк, алар 13 кеше.

Реклама

Зарарланганнарның күбесе Казанда табылган, биредә 19 кеше авырый. Калган муниципалитетлар арасында бу күрсәткечләр буенча Түбән Кама районы Covid-19 эләгүнең биш очрагы белән беренче урында.

Буа, Лаеш һәм Питрәч районнарында өчешәр авыручы табылган, Чаллы һәм Бөгелмә районнарында — ике, Югары Ослан, Чүпрәле, Яшел Үзән, Кукмара, Балык Бистәсе, Тукай һәм Теләче — бер. Барлыгы яңа коронавирус инфекциясе пандемиясе башланганнан бирле Татарстанда 8 мең 506 кеше авырган. Аларның 7,5 меңнән артыгы терелгән. Шул исәптән үткән тәүлек эчендә 38 кеше дәваланган.

Чыганак : https://tatar-inform.tatar/news/society/02-11-2020/t-lek-echend-koronavirus-avyruyn-tatarstanda-yash-che-44-keshe-yoktyrgan-5782876

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: