Әтнәдә вакансияләр ярминкәсе узды

Ярминкә барышында үзәк белгечләре эшсез һәм мәшгуль булмаган гражданнарның хезмәт һәм мәшгульлеге мәсьәләләре буенча консультация үткәрделәр, хезмәт базарындагы вәзгыять белән таныштырдылар. Ярминкәгә 5 кеше килгән: шуларның 3се-инвалид, 2се-эшсез һәм эш белән тәэмин ителмәгән гражданнар. Вакансияләр булган 2 предприятие һәм оешма катнашты: ООО«Мирас+», Г. Тукай исемендәге «Әтнә татар дәүләт драма театры ". Бу оешмалар 12 вакансия тәкъдим иттеләр: җитештерү һәм хезмәт биналарын җыештыручы, йөк ташу буенча экспедитор, территорияне җыештыручы, кондитер, экспедитор, повар,технолог, склад мөдире, автомобиль йөртүче. Ярминкә нәтиҗәләре буенча мөрәҗәгать иткән

2 граждан эш бирүчеләр тәкъдим иткән вакансияләргә юллама алды.