Тормыш – сынау

Бу дөньяда күптер
мәшәкатьләр,
Һәр адымда кеше сынала.
Авырлыкка кемдер  
сабыр итә,
Ә кемнәрдер эри – югала.
Эрүчеләр – рухы төшенкеләр,
Сәбәпләрен аның белмиләр.
Тынычлыгы җанның –
дини белем,
Ә чарасын никтер күрмиләр.
Сәламәтлек, мал,
җан аша сынау
Аллаһ тарафыннан бирелә.
Сынауларга сабыр итүчеләр
Рәхмәтенә аның күмелә.
Рухи яктан көчле булу кирәк
Яшәгәндә шушы  тормышта.
Изеп китсә, тор да алга атла,
Тик зарланма килгән
язмыштан.
Тормыш – сынау,
яхшы үтик аны,
Мәрхәмәтле булып һәр
җанга.
Игелекләр кылыйк,
изгелекләр...
Үрнәк бул син, кеше,
җиһанда!