Әтнә таңы

Төркиядә 11 россияле коронавирустан үлгән

Әлеге илдә булган вакытта коронавируска тестның уңай нәтиҗәсен күрсәткән туристлар саны 326 кеше булган.

Быелгы курорт сезонында Төркиядә коронавирус йоктырган 11 россияле үлгән. Бу хакта ТАСС Әнкарадагы РФ вәкиллегенең матбугат атташесына сылтама белән хәбәр итә.

«Хәзерге вакытта Төркиядә коронавирус аркасында 11 россияле үлгән», - дип китерә агентлык Россия дипломаты сүзләрен.

Реклама

«Интерфакс» мәгълүматы нигезендә, Россиянең Әнкарадагы илчесе Алексей Ерхов хәбәр иткәнчә, «быелның 30 октябренә булган мәгълүматларга караганда, хәл шундый: Төркиядә булган вакытта коронавирус йогышына тестның уңай нәтиҗә күрсәткән туристлар саны 326 кеше булды. Хәзерге вакытта хастаханәләрдә 31 кеше бар, 87 кеше ял итү урыны буенча изолицияләнгән», - диде илче.

Атна азагында Сәламәтлек саклау министрлыгы башлыгы Фәхреттин Коджи Төркиядә COVID-19 пандемиясе икенче пикка җиткәнлеген, шушы вакыт эчендә 375 меңнән артык кеше чир йоктырганлыгын, 10 252 кеше үлгәнлеген әйтте. 

Чыганак: https://tatar-inform.tatar/news/health/01-11-2020/t-rkiyad-11-rossiyale-koronavirustan-lg-n-5782727

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: