Әтнә таңы

Яңа туган сабыйларга кушылган иң популяр исемнәр билгеле

Соңгы сигез елда беренче тапкыр Кәрим һәм Ясминә иң популяр исемнәр өчлегеннән төшеп калган.

2021 елда Казанда әти-әниләр балаларына күбесенчә Әмир һәм Әминә исемнәрен кушкан.

Казан шәһәренең Гражданлык хәле актларын теркәү идарәсе (ЗАГС) башлыгы Римма Миңнуллина эшлекле дүшәмбе киңәшмәсендә шул хакта хәбәр итте.

Аның сүзләренчә, соңгы 8 елда беренче тапкыр Кәрим һәм Ясминә иң популяр исемнәр өчлегеннән төшеп калган.

«Шул рәвешле, малайлар арасында Әмир исеме лидер булып тора. Популярлык ягыннан икенче урында — Тимур, өченчедә — Марк. Кызлар арасында Әминә исемен күп кушалар, икенче урында — Амелия, өченчедә — София», — диде докладчы.

Ул шулай ук Казанда 2021 елда теркәлгән иң кызыклы балалар исемнәрен атады.

«Алар — Август, Грант, Кубаныч, Афифа, Рассвет һәм Мадонна», — дип сүзен төгәлләде Римма Миңнуллина. 

Чыганак: https://tatar-inform.tatar/news/society/17-01-2022/byltyr-kazanda-ya-a-tugan-sabyylarga-kushylgan-i-populyar-isemn-r-bilgele-5847354

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: