Әтнә таңы

Яктырткычың бармы, җәяүле?

Соңгы вакытта ЮХИДИның нәкъ шушы проблемага басым ясавын аңларга да була.

Чөнки, киемендә яктырткыч элементы булмаган хәлдә олы юлда йөрүчеләр кимеми. Узган атнада гына 2 шундый очрак теркәлгән. Райондашлар, ник бу проблемага җитди карамыйсыз сез? Каршы яктан техника килсә, күз камаша һәм сезне күрү бик кыен...
Ә гомумән алсак, 11-17 гыйнвар көннәрендә районда 47 юл хәрәкәтен бозу очрагы ачыкланган. Яктырткыч элементы булмаучылардан тыш, тагын 7 очракта – автомобиль номерлары пычрак булу, 6сында – куркынычсызлык каешын такмау, 3 тапкыр – иминият полиссыз йөрү, 1 очракта баланы махсус утыргычсыз йөртү ачыкланган. Моннан тыш 3 вак юл һәлакәте теркәлгән, 13 йөртүченең Административ кодекстагы 20.25 маддәсе буенча, ягъни, штрафы булып та түләмичә йөрүе билгеле булган. Бик кызганыч хәл – рульдән 2 исерекне йолкып алганнар, ә берәү йөртү хокукыннан мәхрүм ителгән хәлдә кабат руль артына менеп кунаклаган. Ул мәхлук 150 сәгатькә мәҗбүри эшләргә җәлеп ителгән.

Реклама

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: