Үзешчән җырчы Лилия Сабирова ковид белән авырган килеш бала тапканда вафат булган

Үзешчән җырчы, «Залесный» мәдәният үзәге хезмәткәре Лилия Сабирова коронавирус белән авырган килеш бала тапканда вафат булган. Бу хакта «Интертат» хәбәрчесенә җырчының тормыш иптәше Гадел Галимҗанов хәбәр итте.

Бәби табар вакыты җиткәндә Лилия коронавирус йоктыра. Авыр хәлдә булган, үпкәләре зарарланган кызның баласы үле килеш туа. Кызганыч, озак тормыйча, үзенең дә йөрәге тибүдән туктый. 

Лилияне Самосырово зиратына улы белән бергә җирләгәннәр. «Каберенә Лилиянең яраткан ак розаларын куйдык», — диде ире Гадел.

Чыганак : https://intertat.tatar/news/society/07-11-2020/zeshch-n-yrchy-liliya-sabirova-kovid-bel-n-avyrgan-kilesh-bala-tapkanda-vafat-bulgan-5783996