Әтнә таңы

Кукмаралы Кадрия Ишмурзинадан чумарлы борчак ашы рецепты

Ашларыгыз тәмле булсын!

Чумарлы борчак ашы

Әчергә куйган камырның, бигрәк тә ипи камырының бер өлешен калдырып, 3 көн өй температурасында, аннан 3-4 көн суыткычта тотам. Ул арада камыр бераз сыекланып китә. Аннан он өстәп камыр басам. Җәймә җәеп, тар гына тасмалар ясыйм да 1х1 см итеп шакмаклап кисәм.

Ипи камыры булмаганда, әчетми-кабартмый баскан камыр да ярый. Шулай ук 100 грамм маргарин, 200 миллилитр җылы су, 100 миллилитр җылы сөт, 1 аш кашыгы шикәр комы, 20 грамм чи чүпрә, тәменчә тоз, он кушып баскан камырдан да әчетеп чумар ясарга була.

Реклама

Ит салып шулпа кайнаткач, икенче кәстрүлгә сөзәм. Монысында әзрәк шулпа калдырып, тоз салам да шунда итне кайнатып алам. Сөзелгән шулпага борчак, 20 минуттан чумар салам. Борчагы яртылаш пешкәч, бәрәңге, суган, кишер һәм тоз өстим. Борчак озак пешмәсен өчен, тозны бәрәңге белән генә салам. Борчак изелеп торсынга, шулпага пычак очында сода кушарга мөмкин. Ә алдан киптерелгән чумар кулланганда, чумарны борчакка кадәр салып, яртылаш пешерәм. Камырны өстәмә әчетми генә дә чумар ясарга була, ләкин әче чумар ашка үзенчә тәм кертә. Ашларыгыз тәмле булсын!

Кадрия ИШМУРЗИНА, Кукмара

фото: pixabay.com

Чыганакhttp://http://kukmor-rt.ru/news/faydaly-kishlr/kukmaradan-kadriya-ishmurziyadn-chumarly-borchak-ashy-retsepty

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: