Аерым игътибар кирәк

Кагыйдә буларак, бу чорда коры үлән, чүп-чар санкция­ләнмәгән рәвештә яндырыла.

Фаҗигагә юл куймау максатыннан, янгын кур­кыныч­сызлыгы таләпләрен үтәүгә аерым игътибар бирергә кирәк:

– сүндерелмәгән тәмәке һәм шырпыны үләнгә ташламагыз;

– биналар һәм корылмалар янында, шулай ук урман-парк зоналарында учаклар якмагыз;

– урамда ташланган шешәләр, пыялаларны калдырмагыз, кояш астында алар линзага әйләнеп үзләрендә кояш нурларын үлән янып киткәнчегә кадәр туплыйлар;

– ризык әзерләү өчен мангаллар һәм башка җайланмалар кулланмагыз;

– бензин, керосин һәм башка ягулык матдәләре сеңдерелгән материалларны калдырмагыз;

– пиротехник эшләнмәләрдән файдаланмагыз;

– балаларның ут белән шаяруына катгый чик куегыз.

Исегездә тотыгыз, ут белән сак­сыз эш итү корбаннарга һәм матди зыянга китерә. Ян­гын куркынычсызлыгы кагыйдәләрен бозуда гаепле зат­лар, хокук бозу һәм аларның нәти­җәләренә бәйле рәвештә, административ яки җинаять җа­­ваплылыгына тартыла.

Рөстәм Сафин, Арча һәм Әтнә районнары буенча янгын күзәтчелеге бүлеге начальнигы