Коронавирус яңа төр алдаулар китереп чыгарырга мөмкин

Өлкәннәрнең сәламәтлеген, тынычлыгын кайгырту максатыннан, район эчке эшләр бүлегенең полиция хезмәткәрләре олыларга да, өлкәннәргә дә, яшьләргә дә артыгы булмас, дип сак булырга кушалар.

Ни өчен дигәндә коронавирус, дип  күпләп сатып алучылар барлыкка килде. Аптекаларда, кибетләрдә кирәк-яраклар беткәләп тә  тора. Имеш-мимеше дә күп тарала. 

    - Соңгы вакытта антисептиклар, хлорлы катнашмалар тәкъдим итүчеләр бар. Билгеле инде бушка түгел, артык бәягә. Һавачистарткычлар дип теләсә нәрсә сатулары да ихтимал. Өегезгә керсәләр дә, шалтыратып тәкъдим итсәләр дә, алмагыз. Алданмагыз, кирәк булса кибетләрдән, аптекалардан сорагаз, - диләр белгечләр.