6 проценты – Әтнә өлеше!

Татарстан авыл хуҗалыгы министрлыгының сөт җитештерү буенча биргән оператив мәгълүматларында февраль азагына республиканың 3401,1 тонна тулай савымга ирешүе хакында хәбәр ителә. Әлеге сөтнең 6 процентка якыны - Әтнә өлеше!

Узган елгыдан 18 тоннага артык сөт савабыз, ягъни- 110%. Элеккечә үк тулай савымы 200 тоннадан артык булган 3 район бар. Болар - Кукмара, Балтач, Әтнә. Ә авыл хуҗалыгы җирләренең 100 гектарына карата Әтнә районында 377 кг сөт җитештерелә. Бу - Татарстанда иң зур сан.