Әтнә таңы

“Мәңгәр”дә бар да тырыш

Татарстанда бер баш сыердан уртача 13,8 килограмм сөт савалар. Әтнә районы күрсәткече 21 килограммга якын.

Беренче багана - хуҗалыклар, икенче - бер баш сыердан сауган, дүртенче - зачет исәбеннән саткан барлык сөт, өченче, бишенче - алдагы елның шул ук көнендәгедән артык яки ким (килограммнарда)

Мәңгәр 28,78 +4,02 15829 +1508

Шахтер 26,58 +6,97 18169 +2474

Ташчишмә 23,49 +2,77 9946 +1720

Күшәр 22,50 +1,25 9200 +400

Ленин 21,06 -0,66 21654 -302

Таң 20,00 +1,89 19574 +1182

Дусым 19,39 -0,03 11590 -23

Тукай 19,09 +1,63 18869 +1039

Күңгәр 18,00 +1,70 6020 +167

Уңыш 12,43 -1,37 6790 -1816

Реклама

Саттаров 17,00

Галимҗ.КФХ 15,00

Район буенча 20,94 +1,74 137 +6349

- Бүгенге көндә алдынгы савымчылар - Фатыйма Хөсәенова һәм Гөлфания Гарипова. Апрель ае күрсәткечләре бик яхшы булды. Икесе бергә 93 баш сыер тәрбиялиләр, - дип таныштырды "Мәңгәр"нең ферма мөдире Илфир Муллахмәтов.

Узган айда бу савымчылар бер баш сыердан уртача 482 килограмм сөт савып алганнар. Зачет исәбеннән ул 549 килограммга җиткән.

- "Мәңгәр"нең төрле вакытын күрдем. Яңа Җөлби авылыннан килен булып төшкәч, 4 көн дә узмады. Ул вакыттагы "Чулпан" хуҗалыгы җитәкчесе өебезгә килеп, фермага алып китте, - дип көлә биредә инде 28нче елын эшләүче Гөлфания Гарипова.

- Минем дә монда эшләвемә 25 ел булды. 21 ел икәү бергә эшлибез. Бер-беребезне аңлап, ярдәмләшеп хезмәт итәбез, - дип, Фатыйма Хөсәенова да аның сүзләрен куәтли.

Башлангыч чорда кыен булуын искә алдылар да, бүгенгене мактарга тотындылар. Хезмәт хакының югары булуын, аны айныкын-айга алып баруларын сөйләделәр. Өйдәгегә дә вакыт табалар: әйтик, соңгысының ишегалдындагы матурлыкка сокландык. Ясалма аккош та, үрдәк тә бар, бихисап күп чәчәкләр үсә, ташлар өеп ванна урнаштырган - ә анда балыклар йөзә.

"Өйдәге эшкә савымчының вакыты калмыйдыр дигән идем?" - дип гаҗәпләндем.

- Ял итеп тә алабыз. Өстәмә савымчылар бар. Гомумән безнең коллективыбыз да, эшне һәм ялны тиешенчә оештырган ферма мөдиребез дә тырышлар, - диделәр.

Нравится
Поделиться:
Реклама
Комментарии (0)
Осталось символов: