Республикада иң яхшылар рәтендә

Татарстан авыл хуҗалыгы һәм азык-төлек министрлыгының  сентябрь ахырына биргән оператив мәгълүматлары шул хакта сөйли.

Районның бу көнгә тулай савымы 227,3 тонна, узган елгыдан 40 тоннага күбрәк, ягъни былтыргыга карата 121 %. Ай башындагыдан да 4,1 тоннага артык. Кыскасы, сөт күрсәткечләре белән Татарстанда әйдәп баручы районыбыз тулысынча “Яшел зона”да – бу барлык саннарыбыз да республикада иң яхшылар дигән сүз.

Тагын бер саныбыз горурлык уята – бездә бер баш сыердан сауган сөт күләме уртача 28  килограмм тәшкил итә. Бу да Татарстанда иң яхшы күрсәткеч. Бу көнгә республикада иң күп тулай савым Кукмарада. Биредә көн саен барлык сыерлардан 268 тонна тулай савым алалар. Балтач районы 237,9 тонна белән әлегә икенче урында бара.