"Әтнә таңы" медицина тикшерүе үтте

Аллага шөкер, безне, матбугат хезмәткәрләрен дә онытмыйлар. АО "ТАТМЕДИА" җитәкчелеге ел саен сәламәтлегебезне тикшертеп тора.

Быел да җомга көнне Казан шәһәренең Сара Садыйкова урамында урнашкан медицина үзәгендә сәламәтлегебезне тикшерделәр. Кем күпме авырлыкта, буе, сулыш алу мөмкинлекләре, кан басымы, йөрәк эшчәнлеге, күз күрүе ни дәрәҗәдә икәнен белдек. Кан да алдылар, шикәр белән холестерин күләмен дә әйттеләр. Терапевтта булдык. Кыскасы, үзебез турында барын да белдек. Табибларның, шәфкать туташларының мөгамәләсе бик ошады...