Әтнәдә бер баш сыердан 17,4 килограмм сөт савалар

Татарстан авыл хуҗалыгы һәм азык-төлек министрлыгының 30 сентябрьгә биргән оператив мәгълүматларына караганда, Әтнә районында бер баш сыердан уртача 17,4 килограмм сөт савалар.

Саба районында да шулай ук, тик аларда авыл хуҗалыгы җирләренең бер гектарына җитештергән сөт күләме азрак. Бездә ул бер гектарга 2,18 килограмм тәшкил итә, республикада иң зур күрсәткеч бу.

Татарстан буенча бу көнне бер баш сыердан уртача 13,2 килограмм сөт саудылар. Республикада тулай сауган сөт 3075,7 тонна, узган елга карата +141,1 тонна булган.