Декларацияне вакытында тапшырырга онытмагыз

Бу хакта район башлыгының коррупциягә каршы тору мәсьәләләре буенча ярдәмчесе Лилия Фатхуллина белән сөйләштек.
Әңгәмә барышында Лилия Фатхуллина игътибарын хезмәткәрләрнең 2023 елгы керемнәре турындагы белешмәдәге мәгълүматларга кагылышлы кайбер мөһим моментларга юнәлтте.

- Ел саен керемнәр, чыгымнар, милек һәм милек характерындагы йөкләмәләр турындагы декларацияне кемнәр тапшырырга тиешле?

- Хезмәткәрләр керемнәрен 1 гыйнвардан ук игълан итә ала. Белешмәне тапшыруның соңгы вакыты – 30 апрельдән дә соңга калмыйча. 
Махсус хәрби операция вакытында махсус кагыйдәләр гамәлдә. ДНР, ЛНР, Запорожье һәм Херсон өлкәләренә бурычларны үтәү өчен командировкага җибәрелгән кешеләр, хәтта вазифалары буенча элек моны эшләргә тиеш булсалар да, керемнәр, чыгымнар, милек һәм милек характерындагы йөкләмәләр турында мәгълүмат бирергә тиеш түгел. Бу кагыйдә 2022 елның 24 февраленнән гамәлдә.
 

Мобилизация буенча хәрби хезмәткә чакырылган яки хәрби хезмәтне үтү турында контракт төзегән кешеләр дә мәгълүмат бирми.

Ә менә отпуск, декрет яки больничный хезмәткәрне керемнәр турында белешмә тапшыру бурычыннан азат итми, – диде.
Ул аңлатканча, белешмәләрне тутыру өчен һәрвакыт банклардан, брокерлардан, иминият компанияләреннән һәм башка финанс оешмаларыннан бердәм формада мәгълүмат сорарга кирәк. Әгәр муниципаль хезмәткәр милек сатудан керем алган икән, аңа моны белешмәдә һәр объект буенча аерым күрсәткеч белән күрсәтергә кирәк. Дәүләт тарафыннан төрле ярдәм чаралары буенча түләүләрне декларацияләргә туры киләчәк.