28 яшьлек Арча кешесе законсыз рәвештә наркотиклар тараткан өчен суд каршына басачак
Арча районы прокуратурасы 28 яшьлек район кешесенә карата җинаять эше буенча гаепләү актын раслады.
Ул Россия Федерациясе Җинаять кодексының 228 маддәсе 1 бүлегендә каралаган җинаять эшләүдә гаепләнә (шактый күләмдә наркотик матдәләр алу, саклау һәм сату максатыннан башка күчереп йөртү). Җинаять эше материаллары буенча, 2020 елның мартында ир-ат Казан шәһәрендә билгесез заттан 0,57 грамм наркотик матдә сатып ала. Шул ук көнне ул наркотикны юлда очраган машинада Арча районында үз йортына алып кайта. Соңрак аны Арча шәһәре Банклар урамында тоткарлыйлар. Үз гаебен тулысынча таныды. Җинаять эше Арча районы судына җибәрелде.
ТР Прокуратурасы
Чыганак : http://arskmedia.ru
Следите за самым важным и интересным в Telegram-каналеТатмедиа
Нет комментариев