Ике бала ут белән уйнау сәбәпле фермада 420 түк печән янып беткән

 Татарстанның Бөгелмә районында фермада ике малай ут белән уйнаган. Шуннан соң 420 түк печән янып беткән. Бу турыда Татарстан буенча Эчке эшләр министрлыгының матбугат хезмәте хәбәр итте.

12 октябрьдә Бөгелмә районында фермада печәнгә ут төртеп яндырулары турында полициягә хәбәр итәләр.

Хокук саклаучылар ачыклаганча, 9 һәм 12 яшьлек ике малай фермада уйнап йөри. Малайларның берсе Мәскәү кешесе була. Алар ут белән саксыз куллану сәбәпле, янгын чыга. Шулай итеп 420 түк печән янып бетә. Балалар шуклыгыннан 720 мең сумлык зыян килә, диелә бу хәбәрдә.

Чыганак : https://tatar-inform.tatar/news/incident/14-10-2020/ike-bala-ut-bel-n-uynau-s-b-ple-tatarstan-fermasynda-420-t-k-pech-n-yanyp-betk-n-5778757