Күрше районда бер егеткә селәүсен ташланган

Кукмара районы Лельвиж авылында селәүсен (урман мәчесе — рысь) үтергәннәр дигән хәбәр социаль челтәрләрдә таралды.

Ватсапта таралган хәбәр буенча, селәүсен кич клубтан кайтканда бер егеткә ташланган. Егет өенә кайтып җиткән булган. Ул соңыннан: «Ярый әле куртка калын булды, күсәк белән бәреп, йөгереп кереп китә алдым. Кеше сикерде дип уйладым», — дип сөйләгән. 

Авыл башлыгы килгәндә селәүсен инде үлгән булган. Ул бик ябык булган, муен тирәсендә пулядан калган яра тапканнар. Аучылар яралаганнан соң качып киткән яралы селәүсен булган дип фаразлыйлар. 

Чыганак: https://intertat.tatar/news/social/17-02-2021/kukmara-rayonynda-ber-egetk-sel-sen-tashlangan-dig-n-h-b-r-taraldy-5807062