Игелекнең иртәсе-киче юк

2нче декабрь көнне Әтнә район мәдәният йорты хезмәткәрләре Арча районында урнашкан "Арча картлар һәм инвалидлар интернат йорты"нда тәрбиячләнүче өлкәннәребез өчен, йөрәк җылысы белән сугарылган концерт куйдылар.

Матур җырлар, дәртле биюләр, гармун моңнары өлкәннәрнең күңелләрен күтәрде, чын бәйрәм төсмере бирде.
Җырга, моңга сусаган ак әбиләр, олы хөрмәткә лаек бабайлар рәхәтләнеп ял иттеләр, үзләре дә җырлап, биеп күңел ачтылар. Өлкәннәребез бик кәнагать, рәхмәт әйтеп саубуллаштылар.