13 укучысы 100 балл туплаган укытучы билгеле!

Мәскәү өлкәсенең Королев фәнни-инженерлык профильле лицееның урыс теле һәм әдәбияты укытучысы Марина Шушкевич быел БДИ буенча 100 балл җыйган 13 чыгарылыш сыйныф укучысы әзерләгән. Бу хакта Мәскәү өлкәсе Мәгариф министрлыгының матбугат хезмәте хәбәр итә.

Бу - әлегә педагоглар арасында быел иң яхшы нәтиҗә, дип билгеләп үтелә.

Әлегә Мәскәү өлкәсендә укучылары 100 балл җыйган 500дән артык укытучы бар, әмма алар соңгы нәтиҗәләр ясаганнан соң тагын да үзгәрергә мөмкин.

Билгеле булуынча, өстәмә БДИ чорында узган соңгы имтихан нәтиҗәләре 17 августта билгеле булачак.

Чыганак: https://kiziltan.rbsmi.ru/articles/obraz/Ukituchi-100-ball-algan-13-ukuchi-zerl-g-n-407137/