Абитуриентларга документларны 20 июньнән тапшырырга була

Абитуриентлар документларын югары уку йортларына 20 июньнән тапшыра алачак. Бу хакта Русия фән һәм югары белем бирү министры Валерий Фальков Беренче канал эфирында белдерде.
Шулай итеп, быелгы кабул итү кампаниясенең үзенчәлеге — мәктәпне тәмамлаучыларның БДИ тапшырганчы укырга керү өчен документларын тапшыра алуы.
Министр әйтүенчә, документлар 17 августка кадәр кабул ителәчәк.
Билгеле булуынча, Бердәм дәүләт имтиханы быел 3 июльдә башлана.
Фото: activityedu.ru

Автор: Зөлфия Фәтхетдинова