Бер ришвәт – ике җинаятьче

Быел 1 сентябрьдан 30 сен­тябрьгә кадәр рес­пуб­ликакүләм коррупциягә кар­шы иҗади бәйгенең муници­паль этабы үтте.
Бәйге дүрт юнәлеш буенча, 1-11 сыйныфлар арасында узды. Бәйгегә барысы 40тан артык эш килде. Бәйгенең шартлары буенча республика этабына рәсем, сочинение, татар телендә эссе юнәлешләре буенча муниципаль этапта 1, 2 урыннар алган укучыларның эшләре җибәрелде.
Шунысы игътибарга лаек, бәйгегә җибәрелгән рәсемнәрдә нинди генә шигарьләр юк иде. “Бер ришвәт – ике җинаятьче”, “Дөрес яшәргә кирәк”, “Дөньяны ришвәтсез генә төзибез”, “Безнең хезмәт – ришвәтсез”  дип исемләнгәннәре аеруча игътибарга лаек.