Гүзәл җиңүче булды

“Замечательный вожатый” исемле республика конкурсының район этабы узган иде. Биредә Олы Әтнә урта мәктәбенең XI сыйныф укучысы Гүзәл Фидаева җиңеп чык­ты.

Шушы көннәрдә конкурсның республика этабында чыгыш ясады ул. Лаешта барысы 51 конкурсант катнаша. Җиңүчеләр 1, 2, 3 урыннар һәм  5 номинациядә җиңүче исемен дәгъвалыйлар. “Визитка” өлешендә жюрига үзләрен тәкъдим итсәләр, аннан соң “Эшлекле уен” һәм “Зал белән уен”нар уздырып, тест сорауларына җавап бирәләр. Урыннарны Казан һәм Яр Чаллы укучылары яулау гаҗәп түгел, номинациянең берсендә – “Самая яркая” дигәнендә безнең укучы җиңеп чыгу гаҗәп. Афәрин, Гүзәл!