“Куркынычсызлык атналыгы” узды

Олы Әтнә балалар бакчасының мәктәпкә хәзерлек 2 төркемендә, балаларда үз тормышлары һәм сәламәтлекләре өчен куркынычсыз тәртип формалаштыру максатыннан “Куркынычсызлык атналыгы” үткәрелде. Балалар белән башкарылган эш, ˮЯнгын куркынычсызлыгы”, “Юл хәрәкәте куркынычсызлыгы”, “Урам куркынычсызлыгы”, “Чит кешедән сакланыгыз","Электр приборларыннан сакланыгыз”, “Мәгълүмати куркынычсызлык”, “Көнкүрештә куркынычсызлык” өлкәләрен үз эченә алды. Балалар белән мавыктыргыч әңгәмәләр, мәгълүмати - коммуникатив технологияләр кулланып гамәли эшчәнлекләр уздырылды, матур әдәбият әсәрләре укылды, уен эшчәнлеге оештырылды, “Куркынычсызлык почмаклары” тулыландырылды. Өлкәннәр ярдәме белән иҗади эшчәнлекләр барышында балалар куркынычсыз тәртип кагыйдәләре турындагы белемнәрен сүрәтләргә тырыштылар. Атна дәвамында балалар белемнәрен ачыкладылар һәм ныгыттылар. Ата – аналар өчен балаларның тормышын һәм сәламәтлеген саклау буенча консультацияләр тәкъдим ителде.​