Район буенча уртача балл – 80, 70

 Бүгенге көнгә география, рус әдәбияты һәм рус теленнән  нәтиҗәләр билгеле. Аллага шөкер, алар чыннан да сөенерлек. Район мәгариф бүлегеннән алынган мәгълүматлар буен­ча, рус теленнән район буен­ча уртача балл 80, 70кә тиң бул­ган. Иң югары  балл – 98гә тигез.  Һәм бу нәтиҗәгә ире­шүчеләр икесе дә Олы Әтнә мәктәбеннән.  Болар – Гүзәл Фидаева һәм Лилия Гыйниятулли­на. Икесенең дә укытучылары – Галия Минһаҗева.
96 балл җыючылар да юк түгел. Алары – Бә­рәс­кә мәктәбеннән Алинә Гый­ла­җе­ва (укытучысы – Роза Әх­мәт­җанова) һәм Олы Әтнәдән Алинә Хәбибрахманова (Галия Минһаҗева). Дүрт укучы рус те­лен­нән имтиханнарда 94 балл җыйган. Аларның икесе – Күәм, берсе – Олы Әтнә һәм тагын берсе Күңгәр урта мәктәбен тәмамлаучы укучылар.