Яңа уку елыннан сыйныф җитәкчеләренә 5 мең сум өстәмә акча түләнәчәк

(Алабуга, 14 август, «Татар-информ», Рифат Каюмов). 2020 елның 1 сентябреннән сыйныф җитәкчеләренә федераль бюджеттан 5 мең сум өстәмә акча түләнәчәк. Бу хакта ТР Премьер-министры урынбасары — мәгариф һәм фән министры Рафис Борһанов мәгариф хезмәткәрләренең республика август киңәшмәсендә хәбәр итте.

Министр сүзләренчә, сыйныф җитәкчеләренә республика тарафыннан элегрәк түләнгән өстәмә акча да сакланачак.

Бүген Татарстанның Алабуга шәһәрендә узучы киңәшмәдә ТР Президенты Рөстәм Миңнеханов, ТР Дәүләт киңәшчесе Минтимер Шәймиев һәм Россия мәгариф академиясе президенты Юрий Зинченко катнаша.

Чыганак: https://tatar-inform.tatar/news/science/14-08-2020/ya-a-uku-elynnan-syynyf-it-kchel-ren-5-me-sum-st-m-akcha-t-l-n-ch-k-5763610

Фото: Солтан Исхаков/архив