175 КЕШЕ ЯҢА ПОЛИСЛЫ

"АК БАРС-Мед" иминиятләү компаниясе тарафыннан райондашларыбызга ел башыннан 331 вакытлы танык­лык бирелгән. Бүгенге көнгә 228 кешегә Мәскәүдән "Бердәм полис" инде кайткан. Шуларның 175е "Бердәм полис"ыннан файдалана башлады, 53 кеше яңа полис­ларын әле иминиятләү оешмасына килеп алмаганнар. "Болардан тыш тагын 103 кешенең мәгълүматларын Мәскәүгә җибәрдек. Калган райондашларыбыз да вакытлары булганда "Бердәм полис" алу җаен карасыннар иде, ел ахырына кадәр сузарга кирәкми", - ди иминиятләү оешмасының Әтнә районындагы җитәкчесе Гөлнара Борһанова.