2018 елда Татарстанда 67 яшь гаиләгә торак алырга ярдәм күрсәтеләчәк

26 февраль 2018, 08:00 , Фото: Т.Волкова

2017 елда 61 яшь гаиләне торак белән тәэмин итү өчен 55,2 миллион сумлык ярдәм күрсәтелгән.

(Казан, 26 февраль, «Татар-информ», Екатерина Фадеева). 2018 елда Татарстанда 67 яшь гаилә торак алачак. Яшь гаиләләрне торак белән тәэмин итү өчен республикада "Торак" федераль максатчан программасы 2006 елдан тормышка ашырыла.

Бу вакыт эчендә 7 771 яшь гаилә торак шартларын яхшырту өчен социаль түләүләр алды. Федераль бюджеттан 1 миллиард 750 миллион сум акча бүленде, республиканыкыннан - 2 миллиард 415 миллион сум.

2017 елда 61 яшь гаиләгә барлыгы 55,2 миллион сумлык ярдәм күрсәтелде. Шул исәптән, 5,2 миллион сум - федераль бюджеттан, 50 миллион сум республика бюджетыннан бүленде.

http://tatar-i nform.tatar/news/2018/02/26/157201/