2019 елда Татарстан балалар бакчаларына өч яшькә кадәр 3 меңнән артык бала йөри башлады
Аеруча Казанда, Чаллыда, Әлмәттә, Түбән Камада һәм Бөгелмәдә ясле төркемнәр кирәк.
«Демография» илкүләм проекты ярдәмендә узган ел ясле төркемнәргә 3 меңнән артык бала йөри башлады, ә 2022 елга 3 яшькә кадәр булган барлык татарстанлыларны урыннар белән тәэмин итү планлаштырыла. Бу хакта ТР Мәгариф һәм фән министрының беренче урынбасары Илсур Һадиуллин Казанда 33-нче «Хыял» балалар бакчасында булганда сөйләде.
«Хыял» балалар бакчасы 2019 елда ачылды. Ул Музыка һәм физкультура заллары, методик кабинет, психологик бушату Кабинеты белән җиһазландырылган. Балалар бакчасында өч телгә — рус, инглиз һәм татар телләренә өйрәтәләр. «Без 2022 елга нәтиҗә алачакбыз: ярымнан алып 3 яшькә кадәр булган барлык балаларны да балалар бакчаларында ясле төркемнәрдә урыннар белән тәэмин итәргә тиеш. Бездә Казан, Чаллы, Әлмәт, Түбән Кама, Бөгелмә шәһәрләрендә ихтыяҗ зур», — дип уртаклашты Илсур Һадиуллин.
Беренче урынбасары билгеләп үткәнчә, яхшы шартлар «хыялланган» - ул «Демография»илкүләм проекты нәтиҗәсе. Балалар бакчасында «Хатын - кызларның мәшгульлегенә ярдәм итү-өч яшькә кадәрге балалар өчен мәктәпкәчә белем бирү шартлары тудыру " дигән региональ проект тормышка ашырыла»
«Демография» милли проекты кысаларында 2018 елдан башлап, Татарстан Республикасында 6 мең бала өчен 30 яңа балалар бакчасы төзелде, аларның 3 меңнән артыгы ясле төркемгә керә алды.
Следите за самым важным и интересным в Telegram-каналеТатмедиа
Нет комментариев