35 яшьлек автоледи бәрелешү вакытында вафат

Юл фаҗигасе Мәскәү - Уфа юлының 794нче километрында килеп чыккан.

(Казан, 14 гыйнвар, "Татар-информ"). Яшел Үзән районында " Рено" машинасын йөртүче хатын-кыз "МАН" фурасы белән бәрелешүдән һәлак булган. Бу хакта "Татар-информ" агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Кичә көндез Мәскәү - Уфа юлының 794нче километрында 35 яшьлек автоледи тизлекне арттырып, каршы як полосага чыккан һәм йөк автомобиленә килеп бәрелгән.

Алган җәрәхәтләрдән ул урында ук үлгән. Йөк машинасы йөртүчесе зыян күрмәгән.

http://tatar-inform.tatar/news/2018/01/14/156017/