ӘБИЛӘР! АЛДАНМАГЫЗ!

20 декабрь көнендә үзләрен Мәскәүдән дип таныштырган ике ир-егет, Кышлау авылында әбиләрне җыеп, пенсия арттырабыз дип, 500 сумлык массажерны 5500 сумга сатып киткәннәр. "Кулларында печатьле кәгазьләр, адреслары язылгач, чындыр дип уйладык", - диләр. Бәлки бу кешеләр Күшәр, Чембулат авылларын да айкаганнардыр. "Берәүгә дә ышанмагыз, сатучыларны өегезгә кертмәгез дип сөйләп, һәркайсына брошюралар калдырып, йөреп аңлатып торабыз", әбиләр, авыл кешеләре һаман алданалар. Берәүгә дә ышанып акча бирмәскә, әйбер сатып алмаска, өйгә үк кертмәскә кирәк", - дип кисәтә полиция хезмәткәре Илшат Баязитов та.