Акчаң күп булса, рәхәтләнеп яндыр

Язгы чорга кердек. Республикада, шулай ук безнең районда да санитар-чистату икеайлыгы бара. Барлык җирләрдә территорияләрне, тирә-юнебезне кыш буе җыйналып килгән чүп-чардан чистартабыз. Шул ук вакытта җыйналган чүп-чарны, кипкән үләннәрне ягабыз да. Шуны истә тотып, янгын чыгу куркынычсызлыгын будырмый калу максатыннан, 20 апрельдән 15 майга кадәр янгынга каршы режим кертелә.

"Әлеге айлык барышында чүп-чарларны, кипкән үләннәрне һич кенә дә ягарга ярамый. Инде яндырган очракта аңа аршы зур күләмдә штрафлар каралган. Гражданнарга 2 меңнән алып 4 меңгә, вазифаи затларга 15тән 30 меңгә, юридик затларга 500 мең сумга кадәр штрафлар каралган. Күреп торасыз, штрафлар суммасы бик зур", - дип кисәтә районның янгын күзәтчелеге бүлеге инспекторы Артур Рәхмәтуллин.

Узган елның шушы чорында ике гражданга һәм бер вазифаи затка штрафлар салынган. Гражданнарның берсенә 2, икенчесенә 4 мең күләмендә, вазифаи затка 15 мең сум штраф салынган булган.