Арча районында бал кортлары белән умарта төялгән йөк машинасы ауган

(Казан, 25 июль, "Татар-информ"). Татарстанның Арча районында бал кортлары белән умарталар төялгән йөк машинасы ауган. Бу хакта "Татар-информ" агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Бүген иртән бердәм 112 номеры аша котару хезмәтенә Казан - Малмыж трассасының 75 нче чакрымында юл-транспорт һәлакәте булуы турында хәбәр кергән. "Мерседес" машинасының Казаннан Кировка бал кортлары алып барышы булган.Йөртүче идарәне югалтып, йөк машинасы юл кырыена ауган.

107 нче номерлы янгын сүндерү-коткару бүлеге, полиция һәм медицина хезмәткәрләре, Арча янгын сүндерү гарнизоны вәкилләре урынга килеп җиткән. Сәламәтлегенә зыян килүчеләр булмаган.

Чыганак: http://tatar-inform.tatar/news/2017/07/25/145048/