Ир-атның хәбәрсез юкка чыгуы турында мәгълүмат ашыгыч ярдәм хезмәтләрен чакыру буенча 112 бердәм номерына килеп ирешә. 20 нче май көнне Наратлык авылында яшәүче ир билгесез юнәлештә өеннән чыгып китә һәм кире әйләнеп кайтмый.
Алдагы көнне эзләү эшләренә 4 нче зональ эзләү-коткару отряды хезмәткәрләре, Арча микрорайоны янгын часте янгын сүндерүчеләре, полиция вәкилләре, волонтерлар җәлеп ителгән булган. Ир-атны Наратлык авылында һәм Ак Чишмә, Ашытбаш торак пунктлары юллары буйлап эзләгәннәр.
Тулаем алганда, 25 квадрат километр җирне карап чыкканнар. Эзләүләр бернинди нәтиҗәгә китермәгән. Бүген эзләү эшләре янә дәвам иттерелгән.
http://intertat.ru/
Нет комментариев