Ары мәдәният йорты махсус чара уздырды

"9 нчы декабрь - Халыкара коррупциягә каршы көрәш көне уңаеннан балалар һәм аларның әниләре белән берлектә, "Мин коррупциягә каршы нәрсә эшли алам?" дигән темага әңгәмә үткәрдек", - дип хәбәр итә Ары мәдәният йорты сайты. Чарада коррупциягә карата тискәре караш уяту, катнашучыларның игътибарын бу начар күренешкә каршы көрәш ысулларына җәлеп итеп, намуслылык, гаделлек сыйфатларын тәрбияләү, шул рәвешле законнарны хөрмәт итәргә кирәклекне төшендерергә тырышканнар. "Тыңлаучыларның битараф булмауларын аңладык", - дигән нәтиҗәгә килгән оештыручылар. Соңыннан балалар белән бергәләп ришвәтчелеккә каршы темага рәсемнәр ясаганнар.