Арылар үрнәгендә эшлик

- 7 февраль көнне, Сочида кышкы XXII нче Олимпия уеннары башланды. Шул уңайдан без дә 7 февраль көнне Ары авылында Сочида узачак Олимпия уеннарында катнашучы спортчыларыбызга теләктәшлек йөзеннән Олимпия утының очкынын кабыздык. Үзебезнең спортчыларыбызга һәрбер спорт төрендә уңышлар гына теләп калабыз. Без алар өчен җан атып торабыз, шатланабыз, борчылабыз. Шушы чара белән аларның уңышларында үзебезнең кечкенә генә булса да, көчебезне кертәсебез килә. Татарстаныбызга әйләнеп кайтканда аларның йөзләрендә елмаю, күп медальләр белән кайтуларын түземсезлек белән көтеп калабыз. Сезгә, Татарстан чигендәге кечкенә генә авыл халкыннан ялкынлы, кайнар сәлам. Без сезгә ышанабыз!!! Сезгә уңышлар, уңышлар, уңышлар! Татарстан алга. Без булдырабыз!
Афәрин, арылылар! Теләкләрегез кабул булыр дип ышаныйк!