Һава торышы көйсезләнә

Бүген төнлә һәм иртәгә көндез һава торышының бозылуы мөмкин. Бу хакта синоптиклар хәбәр итә.

Казанда көчле кар яву, җил, үз чиратында буран булу ихтималы бар. Гидрометеоүзәк хәбәренә өстәп, Казанда булган Әтнәдә булмый калмас, бураны да бездә артыгы белән котырыр дияргә генә кала. Ни булса да, ахыры хәерле булсын, хәвеф-хәтәрсез узса иде.

Ә республикага 17-22 м/с тизлектә җил, күз күрүнең 500 метрга кадәр кимүен фаразлыйлар.

Әтнәләр, бу көннәрдә юлга чыгып тормау хәерлерәк булыр. Юлда булсагыз да, тизлек режимын саклагыз, көннәрегез куркынычсыз узсын!