Җәмгыять
АВГУСТ ТӨНЕ
Әтнә Эчке эшләр бүлегендә эшләп ялга чыккан Арча районында яшәүче якташыбыз Марсель Шарапов пенсиягә чыккач башы-аягы белән иҗат эшенә чумды. Искиткеч шигырьләре, гармунда уйнап җырлавы белән шаккаттыра ул. Афәрин! Аның чираттагы "күчтәнәче" белән таныш булыгыз.
Урамда кара төн, күптәннән
Алтынсу йолдызлар сүнгәннәр.
Җир-Ана, табигать жиһанны
Кап-кара шәл белән төргәннәр...
Бер-берсен эткәләп жай гына
Кургашын болытлар шуыша.
Алардан калышмыйм дигәндәй,
Адашкан, гамьсез жил куыша.
Иңкүлек өстендә ак томан,
Әйтерсең, мамыклы ак юрган,
Зәп-зәңгәр кыңгырау чәчәкләр
Туңмаска өстенә ябынган...
Следите за самым важным и интересным в Telegram-каналеТатмедиа
Нет комментариев