Сарман районына илтә торган юлда ул идарәсен югалтып, авариягә юлыккан.
(Чаллы, 19 апрель, «Татар-информ», Эльвира Мөхәммәтдинова). Чаллыда автозаправка хезмәткәре урланган автомобильдә әйләнеп капланган.
Авария 18 апрельгә каршы төндә булган. Минзәлә трактында урнашкан автозаправка станциясенең исерек хәлдәге 19 яшьлек хезмәткәре Россия автомобилен урлап алып киткән. Чит кеше машинасында ул үзенең туган ягына - Сарман районына юл тоткан.
Әмма юлда идарәсен югалтып, машинасы әйләнеп капланган. Җитди тән җәрәхәтләре алган автомобиль карагын Әлмәт Үзәк район хастаханәсенә озатканнар.
Нет комментариев