Авыл яшьләре көч сынаша

25-30 август көннәрендә Зәй шәһәрендә 46 муниципаль район катнашында "Авыл яшьләре бәйгесе" узачак. Әлеге бәйгедә 36 кешелек Әтнә районы командасы да катнашыр дип көтелә. Безнең команданы район яшьләр эше һәм спорт бүлеге җитәкчесе Рамил Шәйхиев җитәкли. Командалар гер күтәрү, җиңел атлетика, билбау көрәше, көрәш, армспорт, теннис һәм башка спорт төрләре белән беррәттән механизатор, сыер саву операторы кебек һөнәри бәйгеләрдә дә үзләрен сынап караячаклар.