Башкортстанда 51 яшьлек хатын-кыз бала тапкан

Бу - гаиләдә икенче бала, беренче кызларына 30 яшь чамасы.

(Казан, 6 сентябрь, «Татар-информ»). Башкортстанның Нефтекамск шәһәрендә яшәүче Рүфинә Тимерҗанова 51 яшендә сәламәт кыз бала тапкан. Бу гаиләдә икенче бала, беренче кызларына 30 яшь чамасы, дип яза "Башинформ".

«ТНТ-Нефтекамск» каналы бу шәһәрдә беренче очрак, дип белдерә. Гадәттә, өлкән яшьтәге бала табучыларны Республика клиник хастаханәсенә җибәрәләр, чөнки ана һәм бала сәламәтлеге өчен куркыныч бар.

"Йөкле хатын-кыз тулгагы башланып китерелде, әмма аңа ашыгыч рәвештә операция ясарга кирәк булды", - дип сөйләгән табиб - акушер-гинеколог Марат Гафуров.

Чыганак: http://tatar-inform.tatar/news/2017/09/06/147757/