Белешмәләрне Татарстанның дәүләт хезмәтләре порталы аша электрон рәвештә соратып була

"Узган ел республикадагы пенсия оеш­маларына 302 юкка чыккан оешма турында мәгъ­лүмат юлладык. Дәүләт һәм муниципаль архивларга саклау өчен шундый 171 оешма турында мәгъ­­лүмат тапшырылды. Алар киләчәктә заманында әлеге оешмаларда хез­мәт куйган кеше­ләр­нең хезмәт стажын ачыклаганда зур яр­дәм күр­сәтә­чәк", - дип ышандыра комитет баш­лы­гы.

Архив бел­гечләре тарафыннан эшкәр­телгән барлык мөрә­җә­гать­ләрнең 89 проценты - Татарстаннан, 11 проценты башка тө­бәктә яшәүче­ләр­дән килеп ирешә икән. "Без бер генә мө­рәҗәгатьне дә игътибардан читтә калдырмыйбыз. Алар­ның һәр­кай­сына тиз арада тулы җа­вап бирергә тырышабыз. Мө­­­­рәҗә­гать­ләрне без­нең электрон ад­реска юлларга мөм­кин", - ди Ирада Әю­пова.

Сүз уңаеннан, 15 гыйнвардан башлап эш стажы белән хезмәт хакын дәлил­ләүче белешмәләрне Татар­станның дәүләт хезмәтләре порталы аша электрон рә­вештә дә соратып була. Хез­мәт бушлай. Электрон бе­лешмә 21 көн эчендә әзер булачак. Кайбер очракларда бу вакыт 30 көнгә чаклы да озайтылырга мөмкин. "Архив оеш­маларыннан дәү­ләт хез­мәтләре порталы аша соратылган әлеге бе­лешмә­ләрне күпфунк­цияле үзәк­ләр­дән, архив идарә­сендә яки почта бүлек­чә­ләреннән алырга мөм­­кин", - ди Татарстан мәгъ­лү­мат­лаштыру һәм элемтә министры урынбасары Тимур Зарипов.

Динә Шәкүрова

Реклама

("Ватаным Татарстан", /№ 6, 17.01.2018/)

Тулысы белән укыр өчен төп чыганак:

http://vatantat.ru/index.php?pg=100