Бер чарасыз чаклар була

Бер чарасыз чаклар була...

Бер чарасыз чаклар була,
Була күңелең китек чак.
Гүя тормыш сукмагыннан
Үтә алмам җиде чат.

Бер чарасыз чаклар була.
Гел начарны уйлыйсың
Якын күргән кешеңә дә
Сүз катарга кыймыйсың.

Чит-ятларны әйткән дә юк,
Сиңа начар икән - алар шат.
Бары бер газизем әйтер:
"Кил, балам, күңелең бушат"!

Тимәле син..

Таптамале минем бәхетемне
Тимәле син керсез йөрәккә.
"Сандугачым" диеп өзелсәң дә,
Кунмам, бәгърем, синең тирәккә.

Үз бәхетем тулып торган чакта,
Чит тирәктән рәхәт эзләмәм.
Үз куышым җылы биргән чакта,
Чит-ятларны инде күзләмәм.

Мин хыялый...
Минем хыялымда
Бөтен җиһан, галәм киңлеге.
Йолдызлары, урман,
Күл, сулары-
Бар дөнья бүген минеке...