Бер кыз дүрт автомобиль катнашындагы авариягә сәбәпче

Казанның ЮХИДИ идарәсе пресс-хезмәте 4 җиңел машина бәрелешү турында хәбәр итте.

Авария Спартаковская белән Ипподромный чатында килеп чыга. Kia Rio руле артындагы 21 яшьлек кыз "Юл бир" билгесенә игътибар итеп тормыйча юлын дәвам итә һәм төп юлдан баручы Ford автомобиленә бәрелә. Kia Rio янәшәдәге Audi автомобиленә килеп бәрелә.Ә анысы үз чиратында ВАЗ-111730 автомобиленә төртелә.

Үлем-китем юк, шулай да бер пассажир тән җәрәхәтләре ала.

Әтнәләр, зинһар сак булыгыз. Җиде кат як-якка карагач кына кузгалыгыз/